З 14 па 20 лістапада ў бібліятэках Пінскага раёна прайдуць мерапрыемствы ў рамках Тыдня папулярызацыі творчасці таленавітай і вядомай паэткі Беларусі, нашай зямлячкі Яўгеніі Янішчыц “Янішчыцкі лістапад”, творчасць якой стала каштоўным здабыткам беларускай паэзіі другой паловы XX ст.
Літаратурныя вечарыны, конкурсы чытальнікаў, агляды кніжных выстаў, гучныя чытанні, гадзіны паэзіі і многія іншыя тэматычныя мерапрыемствы пройдуць для аматараў і прыхільнікаў творчасці “палескай ластаўкі” Яўгеніі Янішчыц.
Запрашаем наведаць бібліятэкі Пінскага раёна!
