8 лютага споўнілася 100 гадоў з дня нараджэння народнага пісьменніка БССР Івана Паўлавіча Мележа. Гэтай знамянальнай даце супрацоўнікі бібліятэк Пінскага раёна прысвяцілі шэраг мерапремстваў.
Літаратурная спадчына і жыццёвы шлях пясняра Палесся знайшлі адлюстраванне ў шматлікіх кніжных выставах, тэматыка якіх была раскрытая пад назвамі “Вялікі дар нашчадкам”, “Праўда жыве ў творах”, “Сын зямлі палескай”. Такія выставы аформлены у Пінкавіцкай, Кашавіцкай, Лапацінскай, Парахонскай, Плешчыцкай, Стытычаўскай, Малоткавіцкай, Жыдчанскай і іншых бібліятэках Піншчыны.
Папулярызацыя творчасці знакамітага беларускага пісьменніка адбылася праз арганізацыю літаратаурных імпрэз, вечароў-партрэтаў, гучных чытанняў, аглядаў творчасці знакамітага пісьменніка. Прыхільнікі творчасці Івана Мележа былі запрошаны ў літаратурныя гасцёўні, на паседжанні аматарскіх аб’яднанняў. Так, напрыклад, у Каменскай сельскай бібліятэцы адбылася літаратурная імпрэза “Вялікае жыццё”, у Парэцкай – літаратурны вечар “Вялікі дар нашчадкам”, у Садоўскай – “Зорка беларускай літаратуры”. У літаратурную гасцёўню Валішчанскай СБ запрасілі вучняў старэшых класаў. На працягу сустрэчы прайшла гутарка-дыялог пад назвай “Жыў лёсам людзей на балоце”.
Празаік, драматург, літаратуразнавец, публіцыст, грамадскі дзеяч Іван Мележ – пісьменнік, які стварыў сапраўдны беларускі эпас “Палескую хроніку”. Апавяданні Івана Мележа забяспечылі яму сусветнае прызнанне.
Н.У.Паўлюкавец,
галоўны бібліятэкар АБМ