Пінская цэнтральная раённая бібліятэка з вялікім гонарам носіць імя праслаўленай беларускай паэтэсы Яўгеніі Янішчыц. Яе паэзія адкрыла для нашай краіны і далёка за яе межамі цудоўны вобраз чалавека, закаханага ў сваю палескую зямлю, у землякоў, раку Ясельду, з яе твораў прадстае ўся Беларусь.
У рамках Тыдня папулярызацыі творчасці Яўгеніі Янішчыц у бібліятэцы для вучняў 11 і 10 класаў дзяржаўнай установы навучання “Гімназія №1 імя Ф.Я.Перца г.Пінска” прайшла літаратурная гадзіна “Пяснярка з Палесся”.
Прысутным паведалі аб жыццёвым шляху паэткі, азнакомілі з кніжнай выставай, прысвечанай творчасці паэткі. У канцы мерапрыемства быў дэманстраваны відэафільм “Святло далёкай зоркі”.
Запрашаем наведаць бібліятэкі Пінскага раёна!
